|
|
| BABBAN SHAFI |
|
| MU LEKA MU GANI |
| HIRAR MUSAMMAN |
| Wasiku |
|
| KU TAMBAYE SU |
| Rahoton Musamman |
|
| Rahoto |
| Malam Zurke |
| RA'AYIN MUJALLAR FIM |
|
| Bukukuwa |
| Sauran Labarai |
| Fitattun Taurari |
| Dangane Da Mu |
Muhawara a Zauren YAHOO!GROUPS
|
|
Wannan wani zaure ne da aka kirkira a dandalin sadarwa na zamani, wato intanet.
An gina zauren ne a kan tsarin 'Groups' na babbar masana'antar sadarwa ta intanet da ke Amerika din nan mai suna Yahoo!
A wannan zauren namu mutane suna tattaunawa ne musamman a kan finafinan bidiyo na Hausa wadanda ake yayin su yanzu.
JE KA TA NAN
| |
Je ka
SABON FIM MAI FITOWA!!
Daga Mujallar FIM
KAR KA BARI A BA KA LABARI!!
Akwai shahararrun 'yan wasa a ciki!!
NORTHERN STAR FILMS
KE GABATAR DA
GAGARABADAU
Shiryawa: MUJALLAR Fim
Darakta HAFIZU BELLO
Wasa: Sadiya Abdu Rano, Musbahu M. Ahmad, Sani Moda, Aliyu A. Gora, Hindatu Bashir, Isa Ja, A'isha Ibrahim, Mika'il Hassan 'Gidigo,' Baban Mulika, Shu'aibu 'Kumurci', Ashiru Bazanga, Saratu Gidado, Shehu Kano, Galin Money, d.s.
Labari/Tsarawa: Iro mamman;
Daukar Hoton Bidiyo: Yahaya Skito
BABU IRINSA!
Wasu matafiya ne Allah ya hada su tafiya a tsohuwar motar Direba Moda. Kowanensu yana da MU LEKA MU GANIn yadda ya kamata motar ta rika tafiya: wasu na kukan ana bata lokaci, wasu na cewa a rage gudu...
Can a kan hanya, yaran Gagarabadau (su Kumurci) sun tare hanya suna fashi...
Labari ne na soyayya, ban dariya, tada jijiyar wuya, da ban tsoro...
Idan har ka kalli fim din ba ka yi dariya ko ka ji taraddadin sharrin basawan Gagarabadau ba, to za mu biya ka kudinka!
Ka tuntube mu ta e-mail dinmu don ka samu naka
| |
|
In kana son mu aika maka duk lokacin da muka canza shafin nan
| |
|
| |
|
Maryam Umar Aliyu ta ce:
*BA NI DA AURE!
*A ganinta abokan gaba ne suke son su ga bayanta
*Labarin soyayyarta da Shu'aibu Kumurci
ABIN mamaki ba ya karewa, musamman a fagen shirin fim na Hausa. Kyakkyawar yarinyar nan Maryam Umar Aliyu, wadda muka ba da labarin yadda mahaifinta ya yi ikirarin cewa har yanzu tana da aure, ta karyata maganar, ta ce ita dai a iya saninta tuni mijinta ya sake ta.
Cikakken labari
Ahmed da Ali Nuhu a Saudiyya
Ahmed S. Nuhu
|
HAUSAWA kan ce Allah ya gama kowa da masoyinsa. A bana, 'yar wasan nan da ta yi aure, Fati Mohammed, ta je London inda ta yi wata tallar talbijin a kan cutar kanjamau. To, abin kamar shiri, jim kadan da dawowarta sai kuma labari ya bulla cewa su ma tsofaffin abokan sana'arta din nan, wadanda su ma fitattun jaruman shirin fim ne, Ali Nuhu da Ahmed S. Nuhu, za su tafi Saudi Arebiya don yi wa wani kamfani talla. Wakilanmu sun yi magana da 'yan wasan masu kamfanin 'FKD Production' na Kano a kan wannan tafiya, to amma sai suka bukace su cewa su bari su je su dawo tukuna, daga nan za su yi wa jama'a bayani a cikin mujallar da aka fi karantawa, wato Fim.
Cikakken Labari
'Yan fim sun zama 'yan dambe!
Zuciya ce ta debe ni na doki Hadiza Kabara
-Saratu Gidado
Saratu Gidado
|
FADAN Saratu Gidado (Daso) da Hadiza Mohammed Kabara yana daga cikin fadace-fadacen da aka yi ta ka-ce-na-ce a kansu. Daya daga cikin mafadatan, Saratu, ta yarda ta bayyana mana abin da ya hada su har suka yi wannan abin tereren. Ga bayaninta:
Ga cikakkiyar hirar
Ba kowa zan yi wa fim ba
Cewar Sadiya Abdu Rano
Sadiya Abdu Rano
|
SADIYA Abdu Rano bakuwa ce ga masu kallon fim, to amma ba bakuwa ba ce a wurin 'yan fim. A matsayinta na jami'ar kasuwancin mujallar Fim, a Kano za a iya cewa kusan dukkan 'yan fim da dillalan kaset na bidiyo sun san ta, ita ma ta san su. Kuma ba sani shanu ba. Shi ya sa tun da aka ji dan kyas cewa ta fito a cikin fim din da mujallar ta shirya a Kaduna mai suna Gagarabadau, sai furodusoshi manya da kanana suka fara yi mata dirar mikiya suna bukatar ta fito cikin finafinansu.
Cikakken bayanin
Ba zan daina fim na soyayya ba
Inji Darakta Tijjani Ibraheem
Shu'aibu Idris
|
TIJJANI dai shi ne shugaban Kungiyar Masu Bada Umarni a Finafinai ta Jihar Kano. Sadaukarwarsa ga aikin shirya fim da kuma dimbin gudunmuwar da ya bayar ga harkar sun sa ana girmama shi a fagen shirin fim. Duk da haka, da yake duniya mai sauyi ce, yawaitar sababbin daraktoci wadanda suna ganin su ma sun kawo karfi ta taimaka wajen kallon raini da wasu suka fara yi wa shi kansa Oga, wato Tijjani Ibraheem.
Ga labarin:
An daura auren A'isha Ibrahim da Oumaten Atta
A'isha Ibrahim
|
RANAR Asabar, 17 ga Agusta, 2002, rana ce ta farin ciki ga fitacciyar jaruma A'isha Ibrahim (Saliha) da angonta dan kasuwa mazaunin Amerika, Malam Oumaten Atta, domin a ranar ne aka daura aurensu a Kaduna. An daura auren da karfe 10:40 na safe a kan sadaki N20,000 a gidan su A'isha da ke Layin Argungu. Jama'ar arziki da dama sun halarta, musamman masoya jurumar ta finafinan Saliha? da A'isha.
Cikakken Labari
'Yan fim za su shirya babban taron kara wa juna sani
Farfesa Abdallah Adamu
|
BISA la'akari da yadda wasu jama'a suke yi wa harkar fim mugun kallo, 'yan fim na Kano suna nan sun fara share fage don gyara fuskarsu ta hanyar shirya wani gagarumin taron kara wa juna sani.
Cikakken Labari
| |
|
Gidauniyar Balaraba:Ana so masoyanta su ba da taimako
SHUGABAN Gidauniyar Tunawa da Balaraba Mohammed, Malam Ishaq Sidi Ishaq, ya yi kira ga daukacin masoyan marigayiyar 'yar wasan da su ba da duk taimakon da za su iya bayarwa ga asusun da aka bude na agaza wa magadanta. Ya ce yin haka yana da muhimmanci domin zaiu nuna cewa an gamsu da gudunmawar da ta bayar ga ci-gaban harkar wasan kwaikwayo na Hausa da ake yayi a yanzu.
Ishaq, wanda shahararren darakta ne kuma dan wasan fim, ya bayyana haka ne a karshen taron musamman da 'yan Kwamitin Gidauniyuar suika yi a Kano kwanan nan. An kira taron ne don ci gaba da tattauna yiwuwar yin babban taron kaddamarwa na Gidauniyar, wanda a da aka niyyar yi a farkon wannan watan na Agusta. To amma saboda wasu matsaloli sai aka yanke shawarar a sanar da jama'a batun gidauniyar kurum ta kafafen yada labarai, tare da fatan duk mai iyawa ya ba da abin da zai bayar a matsayin sadakatul jariya.
Ishaq ya yi bayanin cewa duk abin da aka tara za a damka shi ne ga magadan marigayiyar a matsayin sadaka, kamar yadda aka taba yi wa daraktan nan da ya rasu a hadarin mota kan hanyar Kano zuwa Katsina, Malam Aminu Hassan Yakasai.
Ishaq ya yi nuni da cewa membobin Kwamitin Gidauniyar mutane ne masu gaskiya da rikon amana, kuma sanannu a wannan harka, don haka yana mai tabbatar da cewa sun dauki wannan aiki ne a kan amana da kuma sadaukarwa.
ZA KA IYA BA DA SADAKARKA TA HANNUN WADANNAN MUTANEN:
'Yan Kwamitin Gidauniyar Tunawa da Balaraba Mohammed suna sanar da jama'a cewa duk wanda ke son ya bayar da sadaka kamar yadda aka nema, zai iya bayarwa ta hannun membobin Kwamitin da kuma wakilan mujallar Fim a ko'ina a fadin kasar nan. Duk wanda ya ba da wani abu, za a rubuta sunansa da abin da ya bayar, kuma a nan gaba za a buga sunayen dukkan wadanda suka ba da taimako a cikin mujallun da ke ba da labaran harkar fim ta Hausa, ciki har da mujallar Fim. Ga sunayen 'yan Kwamitin:
Malam Ishaq Sidi Ishaq - Shugaba
M. Ashafa Murnair Barkiya - Editan mujallar Fim
Hajiya Balaraba Ramat Yakubu - Furodusa/Marubuciya
Malam Ibrahim Sheme - mawallafin mujallar Fim
Malam Hafizu Bello - daraktan finafinai
Hajiya Saratu Gidado - Fitacciyar 'yar wasa
Malam Ahmad S. Alkanawy - Furodusa, 'Iyan-Tama Multimedia'
Malam Bala Makosa Zaria - Editan Nishadi
Alh. Nata'ala Aliyu Zaria - shugaban 'Jari Film Production,' Zaria
Malam Abdurrasheed Moh'd Kankia - Furodusa
Malam Aliyu Abdullahi Gora - Mujallar Fim, Kaduna
Malam Bashr Yahuza Malumfashi - dan sanda a Katsina
Malam Bashir Abusabe - Sokoto
Sanarwa daga Ashafa Murnai Barkiya, Sakatare
BALARABA SAI MUN ZO
Daga Amina Abdulmalik, Marubuciyar littafin RUWAN RAINA
Balaraba ta shirya,
Ana ta biki gayya.
*
Lallenta majajaniya,
Gashin kanta na salkiya.
*
Zanin aurenta sassakiya,
Sakakke zubin koshiya.
*
Har ma ta sako 'yan wuya,
Ga kanbunta mai rawaya.
*
Asalin kakanta ne tun jiya,
Gida ta koma mazaya.
*
Tai kyalli gwanar kwalliya,
Ta yi kawa tana rausaya.
*
Shu'aibu ya yi shirin biya,
Amarya ta sako tsakiya.
*
Ya yi biya cikin magiya,
Ta karba tana godiya.
*
Shu'aibu ba ya zolaya,
Irin ta Ayyuba baban Liya.
*
Ayyuba miji na Munubiya,
Yai kauna ya mommoriya.
*
Daga baya ya tako kaya,
Yai furuci yana mamaya.
*
Gwani na gwanaye sha tambaya,
Kai Ali ya kake zolaya.
*
Danka na fari sha lailaya,
Yau ka ba da shi kan haya.
*
Munubiya tai hushi sankaya,
Angulu ce da ba a miya.
*
To yau tai miji hairiya,
Shi ba kishiya ba haya.
*
Shi furucinsa ba sakaya,
Idan ta haihu madalliya.
*
Dan su a nasu ba bayiya,
Ko Hajiya tana Saudiya.
*
Ci gaban wakar
Ka aiko da tambayoyinka ko sharhinka ga: mujallarfim@yahoo.com
| | | | |
