INJI SANI DA FATI
Daga birnin London, Fati Mohammed da Sani Mai Iska sun yi bayani kan ji-ta-ji-tar cewa wai sun rabu, kuma wai Fati za ta auri Bature. Jaruman sun karyata ji-ta-ji-tar, suka ce aurensu na nan daram-dakam
Cikakken labari
Dirama na da asali a Islaminji Sheikh Karibullah
Sheikh Karibullah Nasiru Kabara
|
SHEIKH KARIBULLAH NASIRU KABARA, Shugaban darikar Tijjaniyya ta Afrika ta Yamma, ya gabatar da wannan jawabin ne a wajen bude taron duniya kan finafinan Hausa wanda Cibiyar Nazarin Al'adun Hausawa, Kano, ta shirya a Kano cikin Agusta 2003
Cikakkiyar hirar
Ba wanda ya isa ya hana harkar fim na HausaA cewar HUSSAINI SULE KOKI
Husaini Sule Koki
|
HUSSAINI Sule Koki yana daga cikin 'yan wasan fim din Hausa wadanda Allah ya tarfa wa garinsu
nono. Domin kuwa yana cikin ajin gaba na 'yan wasan da suka fi shahara, ake damawa da su, kuma suke cin moriyar harkar. Bayan haka Malam Husaini yana daga cikin dattawan industiri wadanda ake kallonsu a matsayin iyaye abin girmamawa. A yau shekararsa ashirin yana sana'ar wasan kwaikwayo, domin kuwa daga wasan talbijin ne wasan bidiyo ya riske shi, kuma ya rungume shi ake tafiya tare da shi.
Ga cikakken labarin
Mu Guji Abubuwan Zubar Da Mutunci
inji RAHAMA ISA
Rahama Isa
|
RAHAMA Isa tana daga cikin 'yan wasa da shigo harkar fim ba da dadewa ba, wadanda suke kokarin yin suna su ma a san su sosai. A industiri, an fi saninta da sunan Rahma Sirace, saboda rawar da ta taka a fim din "Sirace" na kamfanin Sarauniya Films. Makasudin hirarmu da ita shi ne don mu zanta game da halayyar 'yan matan fim da suka yi fice kuma suke amfani da wannan dama suke wulakanta wadanda ba su yi suna ba. Tana bai wa 'yan'uwanta shawara da su yi koyi da 'yan fim kamar su Fati Mohammed, Abida da marigayiya Balaraba wadda har ta koma ga Ubangiji ana yabonta. Ta ce, "Mu yi koyi da irin wadannnan halayen domin kowa ya karbe mu hannu biyu-biyu, shi ne mutuncinmu, shi ne darajarmu. Wasu matan idan sun karbu sai su rika tinkaho wanda babu kyau".
Cikakken labarin
Usaina: Soyayyar Mijinta Ta Maida Ita Zabiya
WASU 'yan shekarau kadan da suka wuce, fitaccen daraktan nan da ke Jos, Magaji Mijinyawa, yana zaune a wani falo na furodusa Sani Muhammad Sani, shi kuma furodusan yana cikin uwardaki sa'annan uwargidansa Usaina tana safa da marwa tsakanin kicin da sauran bangaren gidan domin ta ga mijinta da amininsa sun samu maganin yunwa. Tana yi tana rera wakoki daban-daban. Magaji ya kame a kan kujera kamar gunki yana sauraren wakokin. Ya kasa motsawa. Can sai ya yi wuf! ya tashi tsaye ya kwala wa mai gidan kira. Ita kanta Usaina sai da ta tsaya cak! a cikin tafiyarta. Sani ya fito da sauri, ya dauka wani abu ne ya faru.
