FIM TA 35: "Matambayi ba ya bata"

Free Web Hosting Provider - Web Hosting - E-commerce - High Speed Internet - Free Web Page

FITOWA TA 35 Nuwamba 2002

KU TAMBAYE SU

Muhawara a Zauren YAHOO!GROUPS
Wannan wani zaure ne da aka kirkira a dandalin sadarwa na zamani, wato intanet. An gina zauren ne a kan tsarin 'Groups' na babbar masana'antar sadarwa ta intanet da ke Amerika din nan mai suna Yahoo! A wannan zauren namu mutane suna tattaunawa ne musamman a kan finafinan bidiyo na Hausa wadanda ake yayin su yanzu. JE KA TA NAN
Je ka SABON FIM MAI FITOWA!! Daga Mujallar FIM KAR KA BARI A BA KA LABARI!! Akwai shahararrun 'yan wasa a ciki!! NORTHERN STAR FILMS KE GABATAR DA GAGARABADAU Shiryawa: MUJALLAR Fim Darakta HAFIZU BELLO Wasa: Sadiya Abdu Rano, Musbahu M. Ahmad, Sani Moda, Aliyu A. Gora, Hindatu Bashir, Isa Ja, A'isha Ibrahim, Mika'il Hassan 'Gidigo,' Baban Mulika, Shu'aibu 'Kumurci', Ashiru Bazanga, Saratu Gidado, Shehu Kano, Galin Money, d.s. Labari/Tsarawa: Iro mamman; Daukar Hoton Bidiyo: Yahaya Skito BABU IRINSA! Wasu matafiya ne Allah ya hada su tafiya a tsohuwar motar Direba Moda. Kowanensu yana da MU LEKA MU GANIn yadda ya kamata motar ta rika tafiya: wasu na kukan ana bata lokaci, wasu na cewa a rage gudu... Can a kan hanya, yaran Gagarabadau (su Kumurci) sun tare hanya suna fashi... Labari ne na soyayya, ban dariya, tada jijiyar wuya, da ban tsoro... Idan har ka kalli fim din ba ka yi dariya ko ka ji taraddadin sharrin basawan Gagarabadau ba, to za mu biya ka kudinka! Ka tuntube mu ta e-mail dinmu don ka samu naka

In kana son mu aika maka duk lokacin da muka canza shafin nan

by ChangeDetection

"Matambayi ba ya bata"

Tambaya: Daga Nasiru Bello Abubakar Mai Awo, P.O. Box 3252, Sokoto.

"Don Allah Ali Nuhu me ya sa ba ka zuwa Sokoto? Me ya sa ba ka fitowa a fim din 'Iya-Tama Multimedia'? Na ji an ce aurenka ya matso ina son don Allah in lokacin ya yi ka aiko min da kati. Ina son cikakken adireshinka domin in samu damar ba ka shawara.

Meye cikakken sunnan B.R.H. Production?"

Amsar Ali Nuhu da ta Edita: "Na taba zuwa Sokoto har sau biyu. Lokacin fitowata a fim dinsu ne bai yi ba. Amma akwai fim din da za mu yi kwanan nan da Iyan-Tama; Insha Allah kwanan na za a yi bikina kuma za ka ga kati; Adireshina shi ne: c\o 'FKD Productions, Gidan Dan Asabe No. 105, Zoo Road, Kano."

"B.R.H. yana nufin Bashir Rabi'u Hadi." *

Tambaya: Daga Auwal Rabi'u Dansadau, c/o Govt. Science Secondary School, Dansadau, P.M.B. 1030, Gusau, Zamfara State.

"Wai da gaske ne da ake yayatawa ana cewa tsakanin Ali Nuhu Da Aina'u Ade babu shiri shi ya sanya ba su fitowa a cikin fim a matsayin saurayi da budurwa?"

Amsar Ali Nuhu: "Wannan magana karya ce. A halin yanzu muna da fim biyu da ita-Tsokaci da Jalli-kuma akwai wani ma na kamfarin 'FKD Productions' da za mu yi tare insha Allahu." *

Tambaya: Daga Isa Ibrahim, c/o Alhaji Salihu Baba & Sons, P.A. Gbajinba, Guma L.G.A., Benue State.

"Finafinai nawa ne Ali Nuhu ya fito a cikinsu? Kuma guda nawa shi ya zama jarumi? Fim nawa ya rubuta da kansa? Da gaske ne Alisai ya ba da cin hanci kafin a ba shi fim?"

Amsar Ali Nuhu: "Na fito a cikin finafinai kamar guda dari da ashirin. Na rubata fim da hannuna kamar guda goma sha biyu. Batun sai na ba da cin hanci, wannan kuma sai 'yan mujalla su ba ka amsa!" *

Tambaya: Daga Maryam Mohammed Lakude, No. 1, Maigatari Road, Gumel, Jihar Jigawa.

"Su waye suke sharhi a kan finafinai, saboda muna son aiko da shawarwari."

Amsar editan Bidiyo: "A cikin mujallar Bidiyo ne aka fi yin sharhi kan finafinai. Ma'aikatan mujallar tare da wasu mutane masu karatu kan aiko da nasu a buga, haka kuma muna samun wasu sharhin daga masu aiko mana daga intanet. Duk abin da kike son bada shawara a kansa fili a bude yake. Mun gode." *

Tambaya: Daga Baba Gana Yazarim, Baba Gana Koloye, Maina Bulama Massa Unguwar Maira N. Gudda Bama L.G.A., Borno State.

"Yaya ake ciki batun fim din Ahmed, wato Zubaida, kashi na 2? Ko babu kashi na biyun ne?"

Amsar Ali da Ahmed S. Nuhu: "Fim din Zubaida ba shi da kashi na 2, guda daya ne kawai."

Komawa babban shafinmu Komawa saman wannan shafin